Weekend Night Programs ng TV5 Humahataw sa Mega Manila at Nationwide, Tinalo ang GMA!

Lumalakas na ang ratings ng TV5 sa mga kabahayan mapa-Mega Manila lang o sa buong Pilipinas tuwing weekend nights... 


Ayon kasi sa inilabas na ratings ng AGB Nielsen: Mega Manila at NUTAM Households, lumalabas na sa primetime block 6:00 to 10:00pm ng August 27, 2011, ang TV5 ay nakakuha ng audience share na 27.5% sa Mega Manila at 22.7% naman sa Nationwide, pumapangalawa ito sa ABS-CBN. 


Sa ganitong oras Wil Time Big Time ni Willie Revillame, R U Kidding Me ni Vic Sotto at Talentadong Pinoy ni Ryan Agoncillo ang nipapalabas - mga malalaking artista ang mga hosts. Muling napatunayan ni Willie ang charisma sa tao kahit minsan pilit siyang hinihila paiibaba ng mga ibang tao. Bato-bato sa langit. At sa pinagsamang pwersa nina Vic Sotto at Ryan Agoncillo na parehong hosts ng hindi mapantayang Eat Bulaga ng TAPE Productions na naipapalabas sa GMA-7. 


Sa kasamaang palad, pangatlo lamang ang GMA-7 na siyang una ng naglabas na ng praise release na sila ang nangunguna mapa-Mega Manila at NUTAM Ratings mula July 17-August 13,2011 (6:00-12:00). Nakakuha lamang ito ng 25.5% sa Mega Manila at 21.8% audience share Nationwide. Gayunpaman, ang primetime ang mas binibigyang halaga ng mga advertisers sapagkat dito halos lahat ng kabahayan ay nakatutok sa kani-kanilang paboritong programa. 


Nananatili naman sa unang pwesto ang di matalu-talong prime time block ng ABS-CBN na na nakakuha ng 30.8% audience share sa Mega Manila at 40.3% sa Nationwide.


Narito ang mga sumusunod na datos:


August 27,2011 (Saturday 6-10 Primetime) Ratings from Nielsen Media Research audience share:

Mega Manila (In order):
1. ABS-CBN - 10.6% (30.8%)
2. TV5 - 9.4% (27.5%)
3. GMA - 8.7% (25.5%)


Nationwide (in order):
1. ABS-CBN - 14.5% (40.3%)
2. TV5 - 8.2% (22.7%)
3. GMA - 7.9% (21.8%)


Source: AGB Nielsen
Courtesy (ratings): Luigine Yanoria